Во Обединетите Арапски Емирати, индексот Dubai Financial Market порасна за 4 отсто, достигнувајќи 6.040,74 поени. Купувањето акции од банкарскиот сектор и секторот за недвижности придонесе за растот. Акциите на Emirates NBD пораснаа за 6,1 отсто, на Emaar Properties за 4,4 отсто, а на Emaar Development за 4,9 отсто.
Саудискиот индекс Tadawul All Share порасна за 1,7 отсто, достигнувајќи 10.039 поени. Берзата во Катар забележа раст од 2,8 отсто, на 9.884,17 поени, додека акциите на Qatar National Bank се зголемија за 5,3 отсто. Индексот на Абу Даби ги загуби добивките остварени во текот на денот и го заврши тргувањето без значителни промени.
На другите пазари во регионот на Заливот, берзите во Кувајт, Бахреин и Оман пораснаа за по 0,5 отсто. Референтниот индекс на египетската берза исто така забележа раст од 2,8 отсто.
Растот на регионалните пазари беше поттикнат од вестите за напредок во дипломатските контакти меѓу Соединетите Американски Држави и Иран, очекувањата за намалување на можните воени тензии и финансиските резултати на компаниите за третиот квартал.
Macedonia News Agency
