Азиските берзи генерално забележаа позитивни движења во првиот трговски ден од неделата. Закрепнувањето на технолошките акции во Соединетите Американски Држави се одрази и врз регионалните пазари, придонесувајќи за раст на берзанските индекси во Јапонија, Јужна Кореја, Хонг Конг и Кина.
Јапонскиот индекс Nikkei 225 порасна за 3,4 проценти, достигнувајќи 59.411,34 поени, додека јужнокорејскиот Kospi забележа раст од 1,5 проценти и достигна 5.137,22 поени. Индексот Hang Seng во Хонг Конг порасна за 0,2 проценти на 24.525,58 поени, додека шангајскиот композитен индекс се зголеми за 0,4 проценти на 3.663,91 поен.
Австралискиот индекс S&P/ASX 200, пак, се намали за 0,1 процент на 9.011,50 поени. Тајванскиот индекс Taiex се истакна меѓу регионалните пазари со раст од 5,6 проценти.
Macedonia News Agency
